«Атамекен» Қазақстан Республикасының Ұлттық кәсіпкерлер палатасы
Бизнестің сенімді серіктесі

Құрылыс жобаларында жергілікті қамту үлесін арттыру көзделген

14 Ақпан 2019 - Түркістан облысы
783 просмотров

Түркістанда жергілікті құрылыс өнімдерін ілгерілету мақсатында отандық өндірушілердің көрмесі өтті

Естеріңізге сала кетейік, жақын арада өңірде кең ауқымды құрылыс жұмыстары күтілуде. Құрылыстың бірінші кезеңі 2019-2021 жылдарға жоспарланған. Осы кезеңде 20 гектар жерді игеріп, 100-ден астам нысанды салу жоспарланып отыр, оның ішінде 2019 жылы 25-і, ал 2020 жылы – 74 құрылыс басталады, сондықтан жобалық-сметалық құжаттама дайындалуда.

Көрмені Кәсіпкерлер палатасы мен Түркістан облысының әкімдігі ұйымдастырды. Көрменің басты ерекшелігі – бұл жерде жергілікті өнімдер ұсынылған, «отандық» жеткізушіден құрылыс материалдарын сатып алу мүмкіндігі болса, оларды басқа елдерден сатып алудың қажетілігі жоқ.

Іс-шараға Түркістан және Қызылорда облыстарының тауар өндірушілері мен жабдықтаушылары қатысты, олар келушілерге ағымдағы нарықтық ұсыныстарды, құрылыс, жөндеу және безендіруге арналған қазіргі заманғы материалдар мен жабдықтарды ұсынды.

Дизайнерлер мен құрылысшылардың, сәулетшілер мен жеке клиенттердің қызығушылығын туғызу үшін қатысушылар өздерінің үздік өнімдерін, маусымның жаңалықтарын көрсетті, сондай-ақ ынтымақтастық мүмкіндіктері туралы әңгімеледі.

«Көрмеде жүзден астам отандық өндірушілер өз өнімдерін ұсынды. Статистикаға сүйенсек, компанияның ішкі жүйедегі үлесі үнемі өсіп келеді, ол бүгінгі күні құрылыс материалдарының 70 пайызын құрайды. Біздің басты міндетіміз – бұл санды арттыру және қолдау», – деп атап өтті Түркістан облысы Кәсіпкерлер палатасының директоры Олжас Каржауов.

Айта кетейік, жергілікті компаниялардың құрылыс өнімдері бәсекеге қабілетті, материалдар барлық халықаралық стандарттарға сәйкес жасалады және баға саясаты импортқа қарағанда бірнеше есе төмен.

«Біз Қазақстан нарығында 20 жыл жұмыс жасап келеміз. Бетон бұйымдарының барлық түрлерін шығарамыз, біздің компания еліміздегі ірі нысандардың құрылысына қатысқан. Сонымен қатар, отандық құрылыс нарығын жоғары сапалы темірбетон бұйымдарымен қамтамасыз ететінімзге мақтанамыз», – дейді «Яссы Құрылыс» ЖШС директорының орынбасары Розмухаммед Ризаев.

Айта кету керек, құрылыс материалдарын өндірушілердің көпшілігі қазірдің өзінде құрылыс саласындағы негізгі ойыншылары болып табылады.

«Бүгінгі күні компаниямыз кабельдік және сым өнімдерінің ірі отандық өндірушісі болып табылады. Сым мен кабельдің 7000-нан астам түрін шығарамыз және ол үшін соңғы үздік материалдарды қолданамыз. Бүгінгі күні көрмеге біздің өнімімізге бірнеше құрылыс компаниялары қызығушылық танытты», – дейді «Қазэнергокабель» АҚ-ның келісім-шарт бөлімінің жетекші маманы Асқар Айтқожанов.

Іс-шараны ұйымдастырушылар айтуынша, аймақтағы құрылыс индустриясын қарқынды әрі тиімді дамыту үшін құрылыс фирмалары мен олардың ресурстарын біріктіру қажеттігін түсіну маңызды.

Пікір қалдыру:

Пікірлер:

Серіктестер