11 қазанға дейін Қарағанды облысының кәсіпкерлері Салық кодексіне ықпал ете алады
Қарағанды облысының Кәсіпкерлер палатасы жанындағы Бухгалтерлер клубы аясында арнайы салық режимдері бойынша қызмет түрлерінің тізбесіне және Салық кодексіне енгізілетін өзгерістерге арналған онлайн-семинар өтті.
Кездесудің модераторы – Владимир Анатольевич Быков, Қазақстан Республикасында жеке кәсіпкерлікті дамытуға жәрдемдесу қауымдастығының басшысы, Қарағанды облысы Кәсіпкерлер палатасының ШОБ және сауда комитетінің төрағасы.
«Бүгінде бизнес үшін ең өзекті мәселе – арнайы салық режимдеріне көшу. 11 қазанға дейін біз өз ұсыныстарымызды орталық аппаратқа жолдауымыз керек. Қорытынды тізімді қалыптастыру кезінде кәсіпкерлердпікірінің қаншалықты ескерілетіні олардың белсенділігіне тікелей байланысты», – деп атап өтті Владимир Быков.
Негізгі спикер – Қарағанды облысы бойынша Мемлекеттік кірістер департаментінің салық заңнамасын түсіндіру бөлімінің басшысы Зауреш Жойкимбекова.
«2026 жылғы 1 қаңтардан бастап өзін-өзі жұмыспен қамтығандар үшін жеке табыс салығының мөлшерлемесі нөлдік деңгейдеболады. Олар тек әлеуметтік төлемдерді – зейнетақы, әлеуметтік сақтандыру және міндетті медициналық сақтандыру жарналарын төлейді. Тыйым салынған тізімде 795 қызмет түрі бар, рұқсат етілген тізімде – 46, негізінен тұрмыстық қызметтер», – деп түсіндірді Зауреш Жойкимбекова.
Кездесу барысында қатысушылар бірқатар саланың – стоматология, шағын наубайханалар, аударма қызметтері және т.б.тізімге енбей қалғанына алаңдаушылық білдірді.
«Шағын бизнес тиімсіз жағдайға түсуі мүмкін. Әділдікті сақтау үшін тізімді кеңейтуді ұсынамыз», – деп атап өтті кәсіпкерлер.
Сонымен қатар, өзін-өзі жұмыспен қамтығандарды мобильді қосымша арқылы тіркеу, мәртебені растау тәртібі, B2B есеп айырысу мүмкіндігі және оңайлатылған декларацияны қолдану мәселелері талқыланды.
Семинар қорытындысы бойынша Кәсіпкерлер палатасы бизнес-қауымдастықты талқылауға белсенді қатысуға шақырды. Барлық ұсыныстар мен негіздемелерді Қарағанды облысы Кәсіпкерлер палатасыныңkaraganda@atameken.kz электронды поштасына 2025 жылғы 11 қазанға дейін жолдау қажет.
Пікір қалдыру:
Пікірлер: